Татарстанның Тукай районында кичә үтерелгән хатын-кызны һәм ирен җирләделәр
Чаллыда яшәүче 25 яшьлек ир-ат хатынын һәм аның сеңлесен үтергән.
(Казан, 24 гыйнвар, «Татар-информ»). Тукай районының Мәләкәс авылында 21 яшьлек хатынны һәм аның 25 яшьлек ирен җирләделәр. Бу хакта агентлык хәбәрчесе хәбәр итә.
«Татар-информ» хәбәр иткәнчә, кичә кич Чаллыда яшәүче 25 яшьлек ир-ат хатынын һәм аның сеңлесен үтергән.
Соңрак ир-атны Алабуга районында тапканнар, ул үз-үзенә кул салган булган.
Агентлык хәбәрчесе мәгълүматлары буенча, кызлар белән хушлашу мәрасиме мөселман гореф-гадәтләре буенча оештырылган. Аларны озатырга халык күп җыелган.
Ирне хатыны белән бер кабердә җирләделәр. Авыл халкы ирнең хатынын үтерүенә ышанмый.
Хатынның сеңлесен бүген Ижевскида җирлиләр.