Татарстанның татар басмалары җитәкчеләре Питрәч районына килде
Алар очрашуда кызыклы һәм уникаль сәхифәләре турында сөйләде.
(Казан, 22 ноября, «Татар-информ»,"Алга"). Питрәч районында «Шәһри Казан», «Мәдәни җомга» газеталары, «Сабантуй», «Ялкын», «Салават күпере», «Сөембикә», «Казан утлары», «Идел» журналлары һәм башка журналлар мөхәррирләре җирле мәктәптә укучылар белән очрашуда кызыклы һәм уникаль сәхифәләре турында сөйләде. Бу турыда район басмасы хәбәр итә.
Әлбәттә, бөтендөнья Интернет челтәре басма мәгълүмат чараларын төрлечә кысрыклап чыгарырга тырыша, әмма газета-журналларга тугры калган кешеләр дә бар. Алар өлкән буын вәкилләре генә түгел, шулай ук яшьләр һәм балалар да.
Балалар өчен "Салават күпере" журналының баш мөхәррире Зилә Хөснетдинованың иң яраткан кунак булуы гаҗәп түгел.
"Безнең журнал - балалар түземсезлек белән көтеп алган кечкенә китап, ул рус һәм татар телләрендә чыга. Безнең журнал битләрендә баланың күңелле һәм файдалы ял итүе өчен барлык мөмкинлекләр дә бар - сканвордлар, буяу өчен рәсемнәр, шигырьләр, гыйбрәтле хикәяләр", - диде ул.
"Быел «Сабантуй»га 95 яшь тулды. Кечкенә укучыларыбыз иншаларын, шигырьләрен җибәрә, аларны бик теләп бастырабыз. Монда төрле табышмаклар, сканвордлар, кроссвордлар, ребуслар да тәкъдим ителә", - дип сөйләде журналы мөхәррир Илназ Фәйзуллин.
Шулай ук конкурслар үткәрелә, җиңүчеләргә бүләкләр өләшәләр. Ә «Ялкын» журналы инде олырак аудиториягә исәпләнгән, анда төп китап укучылар һәм авторлар – яшүсмер кызлар һәм малайлар, дип сөйләде ул.
Чарада шулай ук татар язучысы, шагыйрь, драматург, публицист Галимҗан Гыйльманов та катнашты. Ул балаларга китапның һәр замандагы кыйммәтен аңлатты, бер генә электрон версиянең дә басма чараларны алыштыра алмавын искәртте.
--
С уважением,