Татарстанның тагын дүрт трассасында тоталь контроль системасы урнаштырылачак
ЮХИДИ идарәсе җитәкчесе әлеге җиһазлар юл һәлакәтләре санын кимүгә ярдәм итүен билгеләп узды.
Скопировать ссылку
(Казан, 7 май, "Татар-информ", Лилия Локманова). Татарстанның тагын дүрт трассасында тоталь контроль системалары булдырылачак. Бу хакта бүген "Татар-информ" мәгълүмат агентлыгы уздырган матбугат конференциясендә Татарстан буенча ЮХИДИ идарәсе башлыгы Ленар Габдрахманов хәбәр итте.
"Тоталь контроль системасы беренче булып Казан – Малмыж юлында, икенчесе Чаллы –Зәй – Әлмәт, өченчесе Казан – Шәмәрдән, дүртенчесе, юл һәлакәтләре күп була торган Чистай – Түбән Кама юлында барлыкка киләчәк", - диде Ленар Габдрахманов.
2018 елда тоталь контроль системасы Казан – Оренбург һәм Казан – Ульяновск трассаларында урнаштырылган. ЮХИДИ Идарәсе җитәкчесе әлеге җиһазлар юл һәлакәтләре санын кимүгә ярдәм иткәнен билгеләп узды.
Бу чаралар автомобильләрнең уртача тизлеген билгеләргә һәм йөк машиналары агымын киметергә ярдәм итә.