Җәмгыять 14 гыйнвар 2010 13:14

Татарстанның төзәтү учреждениеләрендә “Өйгә юл” дигән проект старт ала

Әтиләр үз балаларына яңа ел бүләкләре тапшыра ала

Скопировать ссылку

(Казан, 14 гыйнвар, “Татар–информ”). 16 гыйнварда 19 нчы төзәтү колониясендә Яңа ел бәйрәмнәре һәм Раштуага багышланган “Өйгә юл” дигән проект старт ала.
Проектны оештыручылар, “Слово веры” чиркәвенең төрмә руханилары хөкем ителүчеләргә анкета тутырырга тәкъдим итәчәк. Әлеге анкеталарда алар үз балаларына нинди бүләк бирергә теләүләрен күрсәтергә тиеш. Бүләкләр балаларга әтиләренең теләкләре белән тапшырылачак.
Акция хәйрия рәвешендә уза, бүләкләрне дин тотучылар биргән акчага сатып алалар. Хөкем ителүчеләрдән акча алынмый, шулай да тоткыннар үз куллары белән эшләгән бүләкләр булса яхшырак.
Проект үз географиясен елдан–ел киңәйтә. Быелгы кышта анда 2, 4, 5, 8, 10, 18, 19 нчы төзәтү колонияләре, 1 нче дәвалау төзәтү учреждениесе һәм 17 нче колония катнашачак, дип хәбәр итә җәзаларны үтәтү Федераль хезмәтенең ТР буенча идарәсе матбугат хезмәте.
Ата–аналарның балалар белән очрашуы проектның соңгы этабы булачагы да искәрмә түгел.

Сәхифәләр

Татарстанның төзәтү учреждениеләрендә “Өйгә юл” дигән проект старт ала