Авыл 26 май 2007 15:52

Татарстанның район кулланучылар җәмгыяте дүрт ай эчендә шәхси хуҗалыклардан 4800 тонна сөт сатып алган

Скопировать ссылку

(Казан, 26 май, “Татар-информ”, Денис Тихонов). 2007 елның дүрт аенда Татарстан кулланучылар җәмгыяте берлегенең (“Татпотребсоюз”) район бүлекләре шәхси хуҗалыклардан 4800 тоннага якын сөт сатып алган. Бу – узган елның шул чоры белән чагыштырганда 24 процентка артыграк.

Шәхси хуҗалыклардан сөт сатып алу буенча “Татпотребсоюз”ның Апас (1086 тонна), Минзәлә (961 тонна), Әтнә (540 тонна), Азнакай (310 тонна) һәм Алабуга (180 тонна) бүлекләре әйдәп бара. Актаныш (6,3 тонна), Яшел Үзән (4,8 тонна), Зәй (1,4 тонна) һәм Әлки (0,4 тонна) район кулланучылар җәмгыятьләре исә арткы рәтләрдә сөйрәлә.

Татарстан Авыл хуҗалыгы һәм азык-төлек министрлыгы башлангычы белән республиканың барлык район кулланучылар җәмгыятьләренә сатылган сөтнең 1000 сумына 100 сум күләмендә дотация каралган.

Сәхифәләр

Татарстанның район кулланучылар җәмгыяте дүрт ай эчендә шәхси хуҗалыклардан 4800 тонна сөт сатып алган