Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Питрәч районында котыру авыруы буенча карантин кертелде
Карантин котыру авыруы йоктыруда шикләнелгән соңгы хайванны чалганнан соң 60 көн дәвам итәчәк.
(Казан, 6 август, «Татар-информ»). Питрәч районындагы бер авыл җирлегендә хайваннарда котыру авыруы ачыкланган. ТР Премьер-министры Алексей Песошин муниципалитет территориясендә карантин кертү турындагы указны имзалады.
Котыру чирен йоктырган хайван Күн авылы җирлеге территориясендә ачыкланган.
«Эпизоотик чыганак һәм имин булмаган пункт территорияләрендә хайваннарда котыру авыруы буенча хәлнең имин булмавына бәйле рәвештә чикләү чаралары (карантин) кертергә», - диелә документта.
Эпизоотик чыганак территориясендә тиз авыруга бирешүчән хайваннарны дәвалау тыела. Моннан тыш, әлеге территориягә чит кешеләрне, шулай ук прививка алмаган хайваннарны кертергә, читкә чыгарырга һәм бер урыннан икенчесенә күчерергә ярамый.
Вазгыять имин булмаган пунктта авыл хуҗалыгы ярминкәләре һәм башка чаралар оештыру, авыруга тиз бирешә торган хайваннарны читкә чыгару һәм кыргый хайваннарны зоопарклар өчен аулау тыела.
Карантин котыру авыруы йоктыруда шикләнелгән соңгы хайванны чалганнан соң 60 көн дәвам итәчәк.
«Татар-информ» агентлыгы карантин чараларының элегрәк республиканың Тукай районында кертелүе хакында хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз