Авыл 20 декабрь 2016 19:23

Татарстанның Нурлат заводы шикәр чөгендерен эшкәртүне төгәлләде

Хәзерге вакытта республиканың тагын ике заводында шикәр чөгендерен эшкәртү эше дәвам итә.

Скопировать ссылку

(Казан, 20 декабрь, “Татар-информ”) Татарстанның "Нурлат шикәре" ябык акционерлык җәмгыяте 2016 ел уңышы булган шикәр чөгендерен эшкәртүне төгәлләде, дип хәбәр итә Татарстанның Авыл хуҗалыгы һәм азык-төлек министрлыгы матбугат хезмәте. Заводта барлыгы 249,1 мең тонна шикәр чөгендере кабул ителеп эшкәртелгән һәм 33,3 мең тонна шикәр җитештерелгән. Нурлат заводы 3,5 ай эшләде.

Хәзерге вакытта республиканың тагын ике заводында шикәр чөгендерен эшкәртү эше дәвам итә. "Буа шикәре" җаваплыгы чикле җәмгыяте бүгенгә 519,3 мең тонна шикәр чөгендере эшкәртеп, 77,7 мең тонна шикәр җитештергән. "Зәй шикәре" ачык акционерлык җәмгыяте 894,6 мең тонна шикәр чөгендере эшкәртеп, 133,8 мең тонна шикәр җитештергән.

#шикәр #шикәр чөгендере #Нурлат #Нурлат шикәр заводы

Сәхифәләр

Татарстанның Нурлат заводы шикәр чөгендерен эшкәртүне төгәлләде