Хәвеф-хәтәр 30 сентябрь 2016 16:43

Татарстанның Нурлат районында дуңгызларда Африка чумасы очрагы теркәлгән

Терлекләр Сосновка авылында шәхси хуҗалыкта зарарланган.

Скопировать ссылку

(Казан, 30 сентябрь, «Татар-информ»). Татарстанның Нурлат районында дуңгызларда Африка чумасы очрагы теркәлгән, дип хәбәр итә ТР Министрлар Кабинетының Баш ветеринария идарәсе.

Экспертлар Сосновка авылындагы бер шәхси хуҗалыкта үлгән терлекне тикшергәннәр. Дуңгызларда Африка чумасына тестлар уңай нәтиҗәләр биргән.

«Татар-информ» агентлыгы корреспондентына Баш ветеринария идарәсендә сөйләүләренчә, Сосновкадан тыш куркыныч тудыручы беренче зонага тагын биш торак пункт керә. Районда полиция -ветеринария постлары җәелдерелгән, терлек башы санала һәм халыкка аңлату эшләре алып барыла.

#Африка чумасы #нурлат

Сәхифәләр

Татарстанның Нурлат районында дуңгызларда Африка чумасы очрагы теркәлгән