Авыл 18 гыйнвар 2010 13:09

Татарстанның җәнлек асраучылары тармак үсешенең актуаль мәсьәләләрен караячак

Татарстанның агробизнес кадрларын яңадан әзерләү институтында җәнлек үрчетү хуҗалыклары җитәкчеләре һәм баш белгечләре өчен укулар башланды

Скопировать ссылку

(Казан, 18 гыйнвар, “Татар–информ”, Ирина Игнатьева). Бүген Татарстанның агробизнес кадрларын яңадан әзерләү институтында республикадагы җәнлек үрчетү хуҗалыклары җитәкчеләре һәм баш белгечләре өчен укулар башланды. Җәнлек асраучылар үзләре дә һөнәри дәрәҗәләрен арттырачак. Бу хакта “Татар–информ” агентлыгына әлеге институттан хәбәр иттеләр.
Курслар барышында Россия һәм Татарстанда җәнлек үрчетү тармагының торышына бәйле мәсьәләләр каралачак. Татарстанда җитештерелгән җәнлек мехын Халыкара базарда сату мәсьәләсенә аерым игътибар бирү күздә тотыла. Җәнлек үрчетү хуҗалыклары җитәкчеләре һәм баш белгечләренә шулай ук кыйммәтле мех бирә торган җәнлекләрнең биологик үзенчәлекләре, аларны ашату системасы, нәсел эше, тиренең сыйфатын бәяләү хакында сөйләячәкләр. Курсларны тыңлаучылар тире эшкәртү буенча яңа технологияләр һәм җәнлек үрчетү хуҗалыкларында үткәрелергә тиешле ветеринария–профилактика чаралары белән танышачак.

Сәхифәләр

Татарстанның җәнлек асраучылары тармак үсешенең актуаль мәсьәләләрен караячак