Мәдәният 14 июнь 2005 10:47

Татарстанның Милли музее "Интермузей-2005" фестивалендә өч проект тәкъдим итәчәк

Скопировать ссылку

(Казан, 14 июнь, "Татар-информ", Диләрә Рәхимова). 21-26 июньдә Мәскәүдә Бөтенроссия күргәзмә үзәгендә "Интермузей-2005" VII Бөтенроссия музейлары фестивале булачак. Ике йөздән артык катнашучы арасында Татарстан Республикасы Милли музее да бар. Музей Бөтенроссия күргәзмә үзәгендә Казанның 1000 еллыгына һәм үзенең 110 еллык юбилеена багышланган экспозициясен тәкъдим итәчәк. Федераль мәдәният һәм кинематография агентлыгы тарафыннан игълан ителгән музей конкурсында ТР Милли музее ике мәгариф проекты һәм бер экспозиция проекты тәкъдим итәчәк.

"Музейда мәктәп" номинациясендә Татарстаннан Боратынский музее һәм Казанның Вахитов районының мәктәптән тыш уку комбинатының югары сыйныф укучылары өчен бергә эшләнгән "Сыерчык оясы" һәм студентлар өчен "Музей практикумы" (оештыруда Казан вузлары КДУ һәм КДПУ актив катнашкан) музей-мәгариф программалары катнашачак. Бу елның май аенда Казан Кремленең элекке Юнкерлар училищесы бинасында ачылган Бөек Ватан сугышы музей-мемориалы "Музей проекты" номинациясендә катнашачак.

Сәхифәләр

Татарстанның Милли музее "Интермузей-2005" фестивалендә өч проект тәкъдим итәчәк