Татарстанның Милли китапханәсендә Кәримуллин укулары тәмамланды
Чара танылган фән һәм мәдәният эшлеклесе, Татарстан Фәннәр академиясе академигы, галим Әбрар Кәримуллин истәлегенә багышланган.
(Казан, 28 июль, “Татар-информ”). Татарстанның Милли китапханәсендә “Кәримуллин укулары” Халыкара фәнни-гамәли конференциясе тәмамланды. Бу турыда китапханә матбугат хезмәте хәбәр итә.
Чара танылган фән һәм мәдәният эшлеклесе, Татарстан Фәннәр академиясе академигы, галим Әбрар Кәримуллин истәлегенә багышланган.
Конференциядә китап тарихы буенча галимнәр һәм белгечләр чыгыш ясады. Алар - Галина Мишкинене (Литва, Вильнюс), Елена Иоланта Зaбapcкайте (Литва, Вильнюс), Ильяс Мифтахов (Төркия, Анкара), Анаркуль Рәхимова (Казахстан, Алматы), Илья Зайцев (Мәскәү), Ренат Вәлиуллин (Санкт-Петербург), Лиля Меметова (Россия, Симферополь), шулай ук Казаннан Алсу Арсланова, Айдар Хәйретдинов, Эльмира Әмирханова, Зөфәр Гыйлаҗев, Ольга Улемнова.
Укуларда фән, мәгариф һәм мәдәният эшлеклеләре, язучылар, журналистлар, студентлар һәм аспирантлар катнашты. Конференциянең модераторы буларак тарихчы-китап белгече, тарихи фәннәр докторы, Әбрәр Кәримуллин укучысы Айсылу Габделхакова чыгыш ясады.
Конференция кысаларында тарихның актуаль проблемалары һәм милли китап эшенең хәзерге хәле турында фикер алыштылар.