Хәвеф-хәтәр 17 сентябрь 2014 16:55

Татарстанның Әлмәт районында юл-транспорт һәлакәтендә бертуганнар һәлак булган

Аларның һәлакәт вакытында куркынычсызлык каешларын эләктермәгәнлеге билгеле

Скопировать ссылку

(Казан, 17 сентябрь, «Татар-информ»). Кичә төнлә ТР Әлмәт районында Чаллы-Зәй-Әлмәт автоюлының 80 нче километрында "Chevrolet Cobalt " автомобиленең 39 яшьлек йөртүчесе юл кырыена чыгып металл корылмаган бәрелгән, анары машина юлдан түбән очкан.

Машина йөртүче һәм аның 43 яшьлек бертуган абыйсы алган җәрәхәтләрдән һәлакәт урынында ук һәлак булган. Алар икесе дә куркынычсызлык каешларын эләктермәгән булган. Моннан тыш, шофер машина йөртү хокукыннан мәхрүм ителгән булган, дип хәбәр итә ТР буенча ЭЭМ ның ЮХИДИ идарәсенең пропаганда бүлеге.

ТР буенча ЭЭМ Дәүләт автоинспекциясендәгеләр билгеләп үткәнчә, сентябрь башыннан алып Татарстан территориясендә булган юл-транспорт һәлакәтләре корбаннарының өчтән бере диярлек куркынычсызлык каешларын эләктермәгән булган.

Сәхифәләр

Татарстанның Әлмәт районында юл-транспорт һәлакәтендә бертуганнар һәлак булган