Хәвеф-хәтәр 28 июль 2017 13:51

Татарстанның Лаеш районы күгендә очкычны лазер белән яктыртканнар

Казан – Баку маршрутын башкарган очкыч командиры җирдән лазер белән яктыртулары турында хәбәр иткән, бу хәлне хәзер Тикшерү комитеты тикшерә.

Скопировать ссылку

(Казан, 28 июль, "Татар-информ"). 27 июльдә билгесез адәмнәр Казан – Баку маршруты буенча очкан самолетны лазер белән яктырткан. Бу хәл очкыч Татарстанның Лаеш районы өстеннән үткәндә була. Әлеге очрак Россия Тикшерү комитетының Транспорт буенча Идел буе тикшерү идарәсе контроленә алынган.

27 июль кичке 23:50 сәгатьтә очкыч командиры диспетчерга Лаеш районының Нурминкә авылы янында билгесез затлар күктәге һава судносына лазер белән яктыртуы турында хәбәр итә. Очкыч билгеләнгән пунктка исән-имин килеп җитә.

"Әлеге факт Тикшерү комитеты контролендә тотыла, булган очрак куркыныч хәлләр китереп чыгармады", – дип хәбәр итте "Татар-информ"га Россия Тикшерү комитетының Транспорт буенча Идел буе тикшерү идарәсе җитәкчесенең өлкән ярдәмчесе Дмитрий Захаров.

#очкыч #лазер #Лаеш #Тикшерү комитеты #Баку

Сәхифәләр

Татарстанның Лаеш районы күгендә очкычны лазер белән яктыртканнар