Җәмгыять 21 гыйнвар 2010 12:42

Татарстанның Кукмара районында җәмәгать эшләрендә катнашучылар ветераннарга ярдәм итә

Агымдагы ел башыннан алып мохтаҗлыкта яшәүче 22 өлкән яшьтәге гражданга торак–көнкүреш шартларын яхшырту буенча хезмәт күрсәтелгән

Скопировать ссылку

(Казан, 21 гыйнвар, “Татар–информ”, Лилия Маркелова). Татарстанның Кукмара муниципаль районында җәмәгать эшләрендә катнашучылар Бөек Ватан сугышы ветераннарына ярдәм итә. Агымдагы ел башыннан алып мохтаҗлыкта яшәүче 22 өлкән яшьтәге гражданга торак–көнкүреш шартларын яхшырту буенча хезмәт күрсәтелгән. Бу хакта “Татар–информ” агентлыгына ТР Хезмәт, мәшгульлек һәм социаль яклау министрлыгыннан хәбәр иттеләр.
Мисал өчен, сугышта катнашучының тол хатыны Екатерина Щербакованың фатирында түшәмне, ванна бүлмәсен ремонтлаганар, электр җиһазларын алыштырганнар. Тыл хезмәтчәннәре Лидия Чумаева һәм Екатерина Михайловнаның йортларында косметик ремонт үткәрелгән. Бу эшне “Тылсым” социаль хезмәт күрсәтү үзәге белгечләре координацияли, ярдәмгә мохтаҗларны да шулар ачыклый.

Сәхифәләр

Татарстанның Кукмара районында җәмәгать эшләрендә катнашучылар ветераннарга ярдәм итә