Икътисад 19 сентябрь 2016 15:08

Татарстанның күршедә булуы безгә файдага гына - Башкортстанның Туймазы районы башлыгы

Туймазы районы башлыгы Айдар Суфиянов татарстанлыларның Башкорстанга сәнәгать предприятиеләре тәҗрибәсен өйрәнү өчен килүен әйткән.

Скопировать ссылку

(Казан, 19 сентябрь, "Татар-информ", Алсу Исмәгыйлева). Татарстанның күрше булуы Башкортстанның Туймазы районына файда китерә. Татарстанлылар районга килеп, эшкә урнашалар, Туймазы предприятиеләрендә хезмәт итәләр. Бу хакта "Башинформ" агентлыгына биргән интервьюсында Туймазы районы башлыгы Айдар Суфиянов белдергән.

Районда туризм үсеше турындагы сорауга Суфиянов: "Туймазы районы территориясендә азык-төлек җитештерү предприятиеләре эшли, биредә Башкортстан республикасындагы иң эре теплица хуҗалыгы урнашкан. Ит һәм сөт җитештерүдә кызыклы программалар гамәлдә. Теплицаларда яшелчәләр үстерүне күрсәтүне дә туризм юнәлеше итеп булыр иде, аннан кергән акча авыл хуҗалыгы предприятиеләренә файда китерә ала. Инде хәзер үк әлеге предприятиеләр тәҗрибәсен өйрәнү өчен күрше Татарстаннан һәм Башкортстанның башка районнарыннан коллегалар килә. Ит җитештерү предприятиеләрен дә карап китәләр. Бездә карар әйбер күп", - дип җавап биргән.

Айдар Суфиянов фикеренчә, Татарстанның Туймазыга якын булуы районда файдага гына. Ул Туймазыда, Туймазы районындагы торак пунктларда, Октябрьский шәһәрендә сәнәгатьнең алга киткәнлеген, шуңа татарстанлыларның бирегә килеп, эшкә урнашуын, мондагы предприятиеләрдә хезмәт куюын әйткән. Башкортстанда җитештерелгән продукцияне сату өчен дә Татарстанның кулай булуын искәрткән.

#Башкорстан #Туймазы

Сәхифәләр

Татарстанның күршедә булуы безгә файдага гына - Башкортстанның Туймазы районы башлыгы