Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның ике спортчысы Европа чемпионатында катнашу өчен допинг-контроль узган
6 августа Берлинда җиңел атлетика буенча Европа чемпионаты башлана, әмма россиялеләр нейтраль флаг астында чыгыш ясаячак.
(Казан, 20 июль, «Татар-информ», Артур Шипилов). Татарстанның ике җиңел атлеты,6 августта Берлинда узачак Европа чемпионатында катнашу өчен WADA допинг-контроль узган. Бу хакта Татарстан Спорт министрлыгының матбугат хезмәте хәбәр итә.
Анна Крылова һәм Ринас Әхмәдиев Европа чемпионатында катнашу өчен Халыкара җиңел атлетика федерацияләре ассоциациясе рөхсәтен алган.
"Хәзерге вакытта Берлиндагы Европа чемпионатына барырга кандидатлар - Ринат Әхмәдиев ( 5000 метрга йөгерү) һәм Анна Крылова (сикерү). Европа чемпионатында чыгыш ясарга тиешле җиңел атлетларның тулы исемлеге Россиянең җиңел атлетика буенча чемпионатыннан соң билгеле булачак", - дип хәбәр иттеләр "Татар-информ"га ТР Спорт министрлыгында.
- Ярышлар 6-12 августта Берлинда узачак.
Европа чемпионатында катнашу буенча хәлиткеч карар спортчылар Россия чемпионатында (ул хәзерге вакытта Казанда уза) чыгыш ясаганнан соң кабул ителәчәк.
- Рөхсәт алу процедурасы 2015 елда башланган допинг белән бәйле низагтан соң сизелерлек катлауланды. Шуның аркасында Россия җиңел атлетлары халыкара ярышларда нейтраль флаг астында гына катнаша ала.
- Хәзерге вакытта Халыкара җиңел атлетика федерацияләре ассоциациясе Россиянең 41 спортчысына чыгыш ясарга рөхсәт биргән.
Кызыклы яңалыкларны күзәтеп бару өчен Телеграм-каналга язылыгыз