Авыл 19 сентябрь 2018 20:21

Татарстанның җиде районыннан 10 хуҗалык гаилә терлекчелек фермасын үстерүгә грант алачак

Җиңүчеләр 2,4 миллион сумнан алып 10 миллион сумга кадәр акча алачак.

Скопировать ссылку

(Казан, 19 сентябрь, «Татар-информ»). Татарстанда Гаилә терлекчелек фермаларын үстерү буенча федераль программа грантына крестьян-фермерлык хуҗалыклары проектларын сайлап алу буенча бәйгегә нәтиҗә ясалды. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

Грантларның гомуми суммасы 70,2 млн сум тәшкил итә. Аның 40,7 миллион сумы федераль бюджеттан бүленеп бирелгән. Конкурска барлыгы 15 крестьян-фермерлык хуҗалыгы кертелгән.

Җиңүчеләр 2,4 миллион сумнан алып 10 миллион сумга кадәр акча алачак. Аерым алганда, 4 сөтчелек фермасы, мөгезле эре терлекне симертүче 2 ферма, берәр ат фермасы, кошчылык фермасы, сарык фермасы һәм балык үрчетү фермасы финансланачак.

Моннна тыш, грант акчасына 8 гаилә фермасы төзелә һәм реконструкцияләнә, 600 баш мөгезле эре терлек һәм 50 бия сатып алыначак. Хуҗалык җитәкчеләре өстәмә 30га якын эш урыны булдырачак.

#Авыл хуҗалыгы һәм азык-төлек министрлыгы

Сәхифәләр

Татарстанның җиде районыннан 10 хуҗалык гаилә терлекчелек фермасын үстерүгә грант алачак