Җәмгыять 25 сентябрь 2006 19:12

Татарстанның иң оста кондитерын билгеләячәкләр

Скопировать ссылку

(Казан. 25 сентябрь,“Татар-информ”, Сөләйман Нәҗми). Бу атнада Казанның “Күмәч-кондитер комбинаты”нда “Оста кондитер” исемле һөнәри конкурс узачак. Аны Татарстанның икътисад һәм сәнәгать министрлыгы икмәк пешерүчеләр җәмгыяте белән бергәләшеп оештыра.

“Күмәч-кондитер комбинатының” маркетинг бүлегеннән хәбәр итүләренчә, мондый һөнәри бәйге әлеге завод базасында ике ел элек оештырылган булган . Икмәк пешерүчеләр исә агымдагы елның август аенда Зәйдә узган конкурста осталыкларын күрсәтте. Бу юлы исә республиканың кондитерлары көч сынаша. Бәйгегә шулай ук Түбән Новгород тәм-том осталары да чакырылган.

Конкурсның максаты – кондитерлар һәм пешекчеләр һөнәренең дәрәҗәсен арттыру, яңа һөнәри талантларны ачыклау, анда катнашучыларның үзенчәлекле осталыклары белән башкаларны да таныштырып, яңа идеяләрне гамәлдә куллану өчен җитештерүгә кертү.

Сәхифәләр

Татарстанның иң оста кондитерын билгеләячәкләр