news_header_top_970_100
news_header_bot_970_100

^Татарстанның хосусыйлаштырылган предприятиеләренең 80 проценты җир участоклары сатып алган

^Татарстанның хосусыйлаштырылган предприятиеләренең 80 проценты җир участоклары сатып алган

(Казан, 1 март, «Татар-информ», Рифкать Тригулов). Татарстанда 2006 елның 1 гыйнварына хосусыйлаштырылган 400 предприятие (гомум санның 80 проценты) үз предприятиеләре урнашкан җир участокларын сатып алган. Шулай ук моны 24 мең төрле күчемсез милек объектлары хуҗалары да эшләгән. Нәтиҗәдә, 2002-2005 елларда ТР бюджетына 20 миллиард сум акча кергән. Бүген бу турыда ТР Дәүләт Советы Экология, табигать ресурслары һәм җирдән файдалану комитеты утырышында ТР җир һәм милек мөнәсәбәтләре министры Валерий Васильев хәбәр итте.

Министр сүзләренә караганда, 2005 елда җир участокларына кагылышлы 39 мең килешү теркәлгән, аларның 70 проценты – дәүләт җирләрен сату-алу һәм арендалау. Күчемсез милек объектлары урнашкан җирләрне сатып алу вакыты 2008 елның 1 гыйнварына кадәр озайтылу сәбәпле, министрлык җирләрне предприятиеләр һәм күчемсез милек объектлары милекчеләре тарафыннан яңадан теркәү буенча эшне дәвам иттерәчәк, дип өстәде ул. Валерий Васильев сүзләренә караганда, иң нәтиҗәле юл - дәүләт җирләрен сату юлы белән шәхси милеккә тапшыру.

Министр шулай ук 2002 елда РФ Җир кодексы кабул ителгәч, предприятиеләр хосусыйлаштыру барышында җир участокларын устав капиталына кертү мөмкинлеген алган. Җир участокларын устав капиталына кертмичә хосусыйлаштырылган предприятиеләргә, шулай ук күчемсез милек объектлары хуҗаларына үзләре урнашкан җир участокларын ТР законы раслаган ташламалы бәядән хосусый милеккә яки арендага алу мөмкинлеге бирелә.

news_right_column_1_240_400
news_right_column_2_240_400
Медиаметрикс
news_bot_970_100