Мәдәният 26 август 2018 12:29

Татарстанның Халыклар дуслыгы йортында «Казан сөлгесе» конкурсының сайлап алу туры узачак

Конкурсның сайлап алу туры 29 август 9.00 сәгатькә билгеләнгән.

Скопировать ссылку

(Казан, 26 август, "Татар-информ"). Татарстанның Халыклар дуслыгы йортында «Казан сөлгесе» III халыкара халык җыр-бию сәнгате фестиваль-конкурсының сайлап алу туры үтәчәк. Бу хакта Халыклар дуслыгы йортының мәгълүмат үзәге хәбәр итә.

Әлеге фестваль-конкурс үз атамасын борынгы «Казан сөлгесе» дип исемләнгән татар җырыннан алган. Быел чарага Татарстан Республикасы көнендә йомгак ясалачак.

Фестиваль-конкурсны Татарстан Республикасының Мәдәният министрлыгы, Казан шәһәренең мәдәният идарәсе һәм «Сәйдәш» мәдәни үзәге оештыра.

#Халыклар дуслыгы йорты #«Казан сөлгесе» конкурсы

Сәхифәләр

Татарстанның Халыклар дуслыгы йортында «Казан сөлгесе» конкурсының сайлап алу туры узачак