news_header_top_970_100
news_header_bot_970_100

Татарстанның халык артисты, Тинчурин театры ветераны Земфира Досаева вафат

Земфира Досаева 1964-1995 елларда Тинчурин театрында эшләде

Татарстанның халык артисты, Тинчурин театры ветераны Земфира Досаева вафат
Тинчурин театрының матбугат үзәге

(Казан, 3 март, «Татар-информ», Рузилә Мөхәммәтова). ТАССРның халык артисты Земфира Досаева 84 яшендә Мәскәүдә вафат булган.

Күренекле актрисаның вафаты турында «Татар-информ»га Кариев театрының легендар артисты Нуриәхмәт Сафин хәбәр итте.

«Бик яраткан партнерым иде. Күп еллар бер сәхнәдә уйнадык. Ул 1995 елда көтмәгәндә генә театрдан китеп барды. Соңгы елларда Мәскәүдә яшәде. Биредә аның бертуган сеңлесе Зарема да, кызы да яши иде», — диде Нуриәхмәт Сафин.

«Соңгы елларда еш булмаса да шалтыратышып тора идек. Искиткеч актриса иде, җәмәгать эшләрендә дә актив катнашты. Рәсеменә карап утырам — юксындыра», — диде ул.

  • Татарстанның халык артисткасы Земфира Исхак кызы Досаева 1937 елның 12 октябрендә Мәскәү шәһәрендә артистлар гаиләсендә дөньяга килә. 1964 елда Казанга чакырыла һәм Республика татар күчмә — бүгенге Кәрим Тинчурин исемендәге Татар дәүләт драма һәм комедия театрында артист булып эшли башлый. 1974 елда А.В. Луначарский исемендәге театр сәнгате институтын тәмамлый.
  • Татар театр сәнгате йолдызы З.Досаева иҗатының беренче көннәреннән үк үзен әйдәп баручы артистка итеп таныта. Ул иҗат дәверендә Фәүзия («Әнә килә автомобиль» Ф.Яруллин), Нина («Зарыгып көткәнем» А.Салынский), Галя («Хыянәтче» А.Макаенок), Әминә («Шикәрем син, балым син» А.Гыйләҗев), Хурия («Ефәк баулы былбыл кош» А.Гыйләҗев), Мәдинә («Җәяүле Мәхмүт» М.Кәрим), Гайнавал («Ташкыннар» Т.Гыйззәт), Бану («Хикмәтле доклад» К.Тинчурин), Рәсиха («Әниемнең ак күлмәге» Ш. Хөсәенов), Гөллия («Гармун уйный беләсеңме?» Т.Миңнуллин), Җиһан («Аршин мал алан» У.Гадҗибәков), Октябрина («Аты барның — дәрте бар» Н.Гаетбай), (Р.Хәмид «Исәнлеккә-саулыкка» Мәдинә) кебек югары профессионализм белән сугарылган бихисап рольләр башкарды.


news_right_column_1_240_400
news_right_column_2_240_400
news_bot_970_100