Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанның Әгерҗе районында Россия халыклар дуслыгы авылы барлыкка килергә мөмкин
Әлеге авылда Россиядә яшәүче халыкларның традицияләре, көнкүреше, мәдәнияте белән танышып, шулай ук милли ризыклардан авыз итеп булачак.
(Казан, 17 декабрь, «Татар-информ», Арсений Кәримов). Әгерҗе районында яңа туристик объект - Татарстан халыклар дуслыгы авылы барлыкка килергә мөмкин. Муниципалитет башлыгы Азат Вәлиев шундый тәкъдим белән чыкты.
«Хәзерге вакытта Халыклар дуслыгы йорты вәкиллеген, шулай ук тәүлек әйләнәсе хезмәт күрсәтә торган туристик объект — халыклар дуслыгы авылын ачу мәсьәләсе тикшерелә. Әлеге авылда Россиядә яшәүче халыкларның традицияләре, көнкүреше, мәдәнияте белән танышып, шулай ук милли ризыклардан авыз итеп булачак», - диде Вәлиев.
Шунысын да искәртик: бүген Татарстан халыклары Ассамблеясының соңгы утырышы узды, аны ТР Дәүләт Советы Рәисе Фәрит Мөхәммәтшин үткәрде.
Кызыклы яңалыкларны күзәтеп бару өчен Телеграм-каналга язылыгыз