Татарстанның Әгерҗе районында Чулманда балыкчы баткан
Фаҗига Кызыл Наратлык авылыннан ерак түгел урында килеп чыккан.
Скопировать ссылку
(Казан, 5 сентябрь, "Татар-информ"). Татарстанның Әгерҗе районында Чулманда балыкчы баткан. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Ир-ат дуслары белән Кызыл Наратлык авылы янында балык тоткан. Кайсыдыр бер вакытта дуслары аның янәшәдә булмавын күргән. Эзләп таба алмагач, коткаручыларны чакырганнар.
6нчы зона коткару отряды водолазлары ярдан 50 метр ераклыкта һәм дүрт метр тирәнлектә ир-ат мәетен табып алган. Коткаручылар 29 яшьлек ир-ат мәетен полиция хезмәткәрләренә тапшырган.
