Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның фольклор музыкасы дәүләт ансамбле Кытайга җыена
Ансамбль Харбин шәһәрендә узачак II Кытай-Россия мәдәният һәм сәнгать фестивалендә катнаша.
(Казан, 21 июль, “Татар-информ”, Рузилә Мөхәммәтова). Г.Тукай исемендәге татар дәүләт филармониясенең Айдар Фәйзрахманов җитәкчелегендәге фольклор музыкасы дәүләт ансамбле Кытайга җыена. Ансамбль Харбин шәһәрендә узачак II Кытай-Россия мәдәният һәм сәнгать фестивалендә катнашачак, дип хәбәр итә Филармониянең матбугат үзәге.
Фестиваль 5 августта ачылып, бер айга якын дәвам итәчәк. Аның кысаларында Татарстанның дәүләт фольклор ансамбле 6 һәм 7 августта сәгать ярымлык зур концерт программасы күрсәтәчәк. Программада кытай татарларының “Әти-әни” һәм “Лимонад” җырлары да бар. Ансамбль бу җырларга клип та төшергән иде.
Фестивальдә И.Моисеев исемендәге халык биюе дәүләт академия ансамбле, В.Гергиев җитәкчелегендәге Мария театры симфоник оркестры, М.Зубин җитәкчелегендәге Израиль филармония оркестры, шулай ук, Мәскәү, Санкт-Петербург, Екатеринбург, Новосибирск, Омск, Владивосток, Иркутск шәһәрләреннән солистлар һәм коллективлар чыгыш ясый.
Кызыклы яңалыкларны күзәтеп бару өчен Телеграм-каналга язылыгыз