Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Дәүләт Советы Рәисе “Бердәм Россия” праймеризында катнашачак
Татарстанда алдан тавыш бирү көне 26 майда узачак.
(Казан, 29 апрель, “Татар-информ”). Татарстанның Дәүләт Советы Рәисе, “Бердәм Россия” партиясенең Татарстан төбәк бүлеге сәркатибе Фәрит Мөхәммәтшин “Бердәм Россия” партиясенең алдан тавыш бирү көнендә катнашырга планлаштыра. Кандидатның документлары партиянең төбәкара башкарма комитетында бүген теркәлгән.
“Күп еллар "Бердәм Россия” партиясенең төбәкара бүлеге сәркатибе буларак, мин алдан сайлауларда катнашмыйча, читтә кала алмадым. Бу илдәге сәяси партиянең кызыклы эш ысулы. Ул дебатлар белән алдан тавыш бирүләр, сайлаучылар белән очрашулар оештыра”, - диде Мөхәммәтшин документларны тапшырганнан соң.
Аның сүзләренчә, “Бердәм Россия” праймеризы – сәясәтчеләргә үзләрен күрсәтү, үз тәкъдимнәрен сайлаучыларга җиткерү мөмкинлеге. “Шәхсән үзем, бу мәйданчыкны тәҗрибәле сәясәтчеләр өчен дә, башлап килүче сәясәтчеләр өчен дә зур мәктәп дип саныйм. Алар куелган сорауларга җавап эзләүдә кызыксынып катнаша, җәмгыятьтә булган төрле проблемаларны чишү юлларын эзли һәм таба”, - дип аңлатты Фәрит Мөхәммәтшин.
- Алдан тавыш бирү көнендә, 26 майда, Татарстанда 460 исәпләү участогы эшләячәк. Праймериз нәтиҗәләре буенча, “Бердәм Россия” партиясеннән Татарстан Республикасының Дәүләт Советына депутатлыкка кандидатлар исемлеге төзеләчәк.
Кызыклы яңалыкларны күзәтеп бару өчен Телеграм-каналга язылыгыз