news_header_top_970_100
Руc Тат
16+
news_header_bot_970_100
Җәмгыять 3 ноябрь 2016 08:57

“Татарстанның чиста урманнары” акциясе кысаларында 1102,2 кубометр чүп-чар җыелган

Акция тәмамланырга ике атнадан кимрәк вакыт калган.

Скопировать ссылку

(Казан, 3 ноябрь, "Татар-информ").“Татарстанның чиста урманнары” табигатьне саклау акциясен тәмамлау өчен ике атнадан азрак вакыт калды, дип хәбәр итә Урман хуҗалыгы министрлыгы матбугат хезмәте. Бүгенге көндә акциядә 1,6 меңнән артык кеше катнашкан, урман фондының 489 арендаторы, 161 предприятие, шулай ук 21 бакчачылык ширкәте актив партнерлары булган. Акциядә катнашучылар тарафыннан урман фонды территорияләреннән 1102,2 м3 каты көнкүреш калдыгы җыеп чыгарылган. Моннан тыш, автомобиль юллары һәм федераль һәм төбәк әһәмиятендәге трассалар буйларыннан 694,4 м3 коры-сары һәм ауган агачлар җыештырылган.

Татарстан Республикасы дәүләт урман инспекторлары һәм Татарстан Республикасының әйләнә-тирә мохитне саклау өлкәсендәге дәүләт инспекторлары тарафыннан каты көнкүреш калдыкларын урман биләмәләрендә законсыз урнаштыру очракларын ачыклау буенча 211 рейд чарасы үткәрелгән. Рейдлар нәтиҗәсендә 52 чүп өеме ачыкланды, алар бөтенесе юкка чыгарылды.

Акция барышында 45 чишмә чистартылды һәм төзекләндерелгән. Урман фондында һәм автомобиль трассалары буйларында 112 мәгълүмат тактасы, аншлаг һәм ял урыннары тәртипкә китерелгән.

#урман чистарту #агач утырту
autoscroll_news_right_240_400_1
autoscroll_news_right_240_400_2
news_bot_970_100