Җәмгыять 2 гыйнвар 2020 13:19

Татарстанның өч кешесе Яңа ел лотереясы нәтиҗәләре буенча миллионер булды

Бер миллиард сумлык призны Мәскәү кешесе отты.

Скопировать ссылку

(Казан, 2 гыйнвар, «Татар-информ»). Татарстанның өч кешесе Яңа ел лотереясы нәтиҗәсендә миллион сум акча отты. Бу хакта «Столото» матбугат хезмәте хәбәр итә.

1 гыйнварда булып узган уенда Мәскәү кешесе бер миллиард сум откан приздан тыш, тагын миллион сумлык 105 приз уйнатылды. Уен нәтиҗәсендә «99 миллионер пәйда булды. Калган бер миллионлык призларны берничә катнашучы бүлеште», - диелә хәбәрдә.

Татарстан отышлы лотерея билетларына ия булучылар саны буенча алтынчы урында. Аны 20 җиңүчесе булган Мәскәү һәм Мәскәү өлкәсе, җиде отышчысы белән Санкт-Петербург шәһәре, Башкортстан алты, Ростов өлкәсе биш, шулай ук Свердловск һәм Новосибирск өлкәләре дүртәр яңа миллионеры белән узып китте.

Хәзер оештыручылар отышларны рәсмиләштерү өчен лотерея үзәгендә акчалата бүләккә ия булучыларны көтә.

Яңа ел лотереясы уеннарында барлыгы 28 млн 801 мең 695 билет отышлы булды. Отышларның гомуми суммасы 3 млрд 507 млн 979 мең 503 сумга тигез.

#Яңа ел #Лотерея #җиңүчеләр

Сәхифәләр

Татарстанның өч кешесе Яңа ел лотереясы нәтиҗәләре буенча миллионер булды