news_header_top
16+
news_header_bot
news_top

Татарстанның авыл хуҗалыгы предприятиеләрендә техниканы агрегатлаштырырга керештеләр

Аерым ремонтланган узел һәм детальләрне чәчкеч, культиватор һәм башка авыл хуҗалыгы техникаларына комплектлыйлар

(Казан, 4 март, «Татар-информ», Ирина Игнатьева). Татарстанның авыл хуҗалыгы предприятиеләрендә техниканы агрегатлаштырырга керештеләр - аерым ремонтланган узел һәм детальләрне чәчкеч, культиватор һәм башка авыл хуҗалыгы техникаларына урнаштыралар. Бу хакта “Татар-информ” агентлыгы хәбәрчесенә ТР Авыл хуҗалыгы һәм азык-төлек министрлыгында хәбәр иттеләр.
Бүгенге көндә ТР хуҗалыкларында тракторларның 80 проценты, чәчкечләрнең 92 проценты, культиваторларның 93 проценты, терлек азыгы җыю комбайннарының 46 проценты, ашлык суктыру комбайннарының 33 проценты төзекләндерелгән.
Бу атнада авыл хуҗалыгы техникасын язгы кыр эшләренә әзерләү буенча штабның чираттагы күчмә утырышы була. Утырыш ТР Тукай районының «Гигант» авыл хуҗалыгы җитештерү кооперативы базасында була, анда республиканың Алабуга, Мамадыш, Минзәлә, Зәй, Кукмара, Менделеевски һ.б. район вәкилләре киләчәк. Сүз техниканың язгы кыр эшләренә әзерлеге хакында барачак.








news_right_1
news_right_2
news_bot