Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Арча районы Кәче авылы янындагы юл су астында калган
Юл өстендә ташу суының биеклеге 180 сантиметр тәшкил итә.
(Казан, 15 апрель, «Татар-информ»). Татарстанның Арча районы Кәче авылы янындагы юл су астында калган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
«Юл өстендә ташу суының биеклеге 180 сантиметр тәшкил итә. Берничә чакрым ераклыкта әйләнеч юллар бар», - дип искәрттеләр Гадәттән тыш хәлләр министрлыгында.
Моннан тыш, Нурлат районының Үрнәк бистәсе янындагы күпер дә су басу зонасында калган. Хәзерге вакытта анда ташу суының биеклеге 60 сантиметр тәшкил итә.
«Узган тәүлектә Гадәттән тыш хәлләр министрлыгына шулай ук Яшел Үзән һәм Чистайдан юллар һәм йорт яны территорияләренең су астында калуы хакында хәбәрләр килде. Әлеге хәбәрләр җирле үзидарә органнарына җиткерелде һәм контрольдә тотыла», - дип белдерделәр министрлыкта.
Хәзерге вакытта Куйбышев һәм Түбән Кама сусаклагычларында суның биеклеге өч урында куркыныч күрсәткечкә җиткән.
Кызыклы яңалыкларны күзәтеп бару өчен Телеграм-каналга язылыгыз