Татарстанның алты районын язгы ташу суы баскан
Республикада язгы ташуның төп этабы үткән.
Скопировать ссылку
(Казан, 16 апрель, “Татар-информ”, Чулпан Шакирова). Татарстанның алты муниципаль берәмлеге язгы ташу аркасында зыян күргән. Бу хакта “Татар-информ”да узган матбугат очрашуында Россия Гадәттән тыш хәлләр министрлыгының Татарстан буенча кризислы ситуацияләрне көйләү үзәге башлыгы Радик Гыйсмәтов хәбәр итте.
“Быелгы язгы ташу аркасында республиканың алты муниципаль берәмлеге, дүрт күпер һәм бер автомобиль юлы зыян күрде. Бу бүген 12 сәгатькә булган мәгълүматлар буенча. Бүген без язгы ташуның төп этабы узды дип әйтә алабыз. Шуңа күрә алга таба язгы ташу куркынычы кими”, – диде бүлек башлыгы.