Татарстанның Алексеевск районы полиция бүлегенә яңа җитәкче билгеләнде
Бүлекнең яңа җитәкчесен хезмәттәшләренә Татарстан эчке эшләр министры Артем Хохорин тәкъдим итте.
Скопировать ссылку
(Казан, 10 апрель, «Татар-информ»). Татарстанның Алексеевск районы полиция бүлегенә яңа җитәкче билгеләнде, дип хәбәр итә «Заря» газетасы.
Бүлекнең яңа җитәкчесен хезмәттәшләренә Татарстан эчке эшләр министры Артем Хохорин тәкъдим итте.
Әлеге вазифаны Лаеш районында туып үскән Вячеслав Яковлев башкарачак. Моңа кадәр Яковлев озак вакытлар Әлки районы полиция бүлеге башлыгы булып эшләгән.
Татарстан эчке эшләр министры сүзләренчә, Вячеслав Яковлев үзен яхшы җитәкче буларак күрсәткән. Узган елда Әлки районы полиция бүлеге Татарстанда иң яхшылар рәтенә кергән.
