Җәмгыять 16 июль 2018 12:52

Татарстанның 5 районыннан килгән 100 яшь армияче хәрби әзерлек нигезләрен үтте

Биектау районының «Яшь парашютчы» лагерында «Ватанпәрвәрләр үстерәбез» дигән яшь армиячеләр сменасын ябу тантанасы булды.

Скопировать ссылку

(Казан, 16 июль, «Татар-информ»). Татарстанның 5 районыннан килгән 100 яшь армияче хәрби әзерлек нигезләрен үтте. Биектау районының «Яшь парашютчы» лагерында «Ватанпәрвәрләр үстерәбез» дигән яшь армиячеләр сменасын ябу тантанасы булды. Бу хакта ТР Мәгариф һәм фән министрлыгының матбугат хезмәте хәбәр итә.

Татарстанның ДОСААФ оешмасы идарә рәисе урынбасары Владимир Трошин һәм лагерь җитәкчесе Фәнис Зарипов сменада катнашучыларга - бүләкләр, шулай ук җәйге палаткалы лагерьның укытучылары һәм инструкторларына ТР ДОСААФ оешмасының Рәхмәт хатларын тапшырды.

Яшь армиячеләр сменасы ДОССАФ оешмасының Үзәк аэроклубы базасында узды. Бер атна эчендә Татарстанның 5 районыннан килгән 100 яшь армияче автомобиль йөртү, кул сугышы серләрен үзләштерде, тактик, инженер, парашют, һава-десант әзерлеге нигезләрен үтте, радиотүгәрәккә йөрде, ГТО нормаларын тапшырды, Бөек Ватан сугышы, Россия армиясе ветераннары һәм Казан гарнизоны офицерлары белән очрашты.

#яшь армиячеләр #яшь парашютчы

Сәхифәләр

Татарстанның 5 районыннан килгән 100 яшь армияче хәрби әзерлек нигезләрен үтте