news_header_top_970_100
news_header_bot_970_100

Татарстанның 108 урта уку йортында “Бердәм экологик дәрес” акциясе үткәрелде

Ул Укытучы елына һәм Экологик белем бирү көненә багышлап Экологик куркынычтан саклау көннәре кысаларында оештырыла

(Казан, 12 май, “Татар-информ”, Миләүшә Низаметдинова). Бүген Татарстанның Казан, Чаллы шәһәрләре һәм 44 муниципаль районы мәктәп һәм гимназияләренең 108ендә бердәм экологик дәрес уздырылды.

Экологик куркынычтан саклау көннәре кысаларында һәм Укытучы елына, Экологик белем бирү көненә багышлап, ТР Экология һәм табигать ресурслары министрлыгы белән ТР Мәгариф һәм фән министрлыгы тарафыннан оештырылган “Бердәм экологик дәрес” акциясе үсеп килүче буынга өзлексез экологик белем бирү һәм табигатькә карата мәхәббәт тәрбияләү эшен җәелдерүне максат итә, дип белдерде “Татар-информ” хәбәрчесенә аңлатмасында ТР экология һәм табигать ресурслары министры Әгъләм Садретдинов. Болардан тыш, акциягә экологиягә кагылышлы көн кадагындагы проблемаларга яшьләрнең игътибарын җәлеп итү, экологик мәсьәләләр буенча мөмкин кадәр күбрәк мәгълүмат бирү бурычы куела. Бу исә шушы тема буенча белем бирү-агартуга корылган телевизион тапшырулар циклы, социаль видеороликлар әзерләүгә этәргеч бирәчәк, дигән фикердә ул.







news_right_column_1_240_400
news_right_column_2_240_400
Медиаметрикс
news_bot_970_100