Татарстаннан Лисичанскиның яшь гаиләләренә ярдәм илттеләр
VII чакырылыш Татарстан Дәүләт Советы депутаты Эдуард Шәрәфиев Луганск Халык Республикасына чираттагы гуманитар миссия белән килде. Бу юлы, хәрбиләргә ярдәмнән тыш, балалы яшь гаиләләр өчен беренчел кирәк-яраклар: балалар ризыгы, подгузник, кием-салым, уенчык, шулай ук салфетка һәм башка кирәк-яраклар җыелды.
Гуманитар йөк балалар бакчалары арасында бүленәчәк, әйберләрнең бер өлеше аеруча мохтаҗ гаиләләргә ярдәм итү өчен Лисичанск шәһәре администрациясенә тапшырылачак.
Эдуард Шәрәфиев билгеләп үткәнчә, Лисичанск һәм Рубежноега ярдәм даими күрсәтелә, ул җирле халык һәм администрация ихтыяҗларын исәпкә алып, шефлыктагы шәһәрләр кураторы, Татарстан вице-премьеры Фәнил Әһлиуллин координациясе белән формалаштырыла.
Гуманитар йөк җыюда эшмәкәрләр, волонтерлар, шулай ук республиканың битараф булмаган халкы катнашты.
