Җәмгыять 16 октябрь 2008 16:59

Татарстаннан Эллина Лексина “Дөньяның иң яхшы моделе-2008” дип табылды

Анталиядә «Little miss World-2008» дип исемләнгән матурлык һәм талантлар Халыкара балалар фестивале төгәлләнде

Скопировать ссылку

(Казан, 16 октябрь, “Татар-информ”). Төркиянең Анталия шәһәрендә «Little miss World-2008» дип исемләнгән матурлык һәм талантлар Халыкара балалар фестивале төгәлләнде. Конкурста Татарстанның яшь гүзәлләре уңышлы чыгыш ясады һәм яңа исемнәргә лаек булды. Бу хакта “Татарстан гүзәле” иҗтимагый оешмасының дирекциясе хәбәр итә.
Конкурста “Татарстанның нәни гүзәле-2008” республика балалар конкурсында җиңү яулаган Эллина Лексина һәм бәйгенең финалына чыккан Анна Карпова катнашты. Әлеге конкурстан соң Эллина июнь аенда Мәскәүдә узган “Россиянең нәни гүзәле-2008” кункурсында катнашып, “Беренче Принцесса” дип табылган иде. Ә Анна “Мини-мисс Синема-2008” Бөтенроссия конкурсында “Беренче Вице-мисс” титулын яулады. Россияне тәкъдим итүче кызларның икесе дә сәхнәгә татар халкының милли киемнәрендә чыкты һәм туган төбәкләре – Татарстан турында сөйләде.
Эллина Лексина Халыкара жюри тарафыннан “Дөньяның иң яхшы моделе-2008”, Ә Анна Карпова конкурсның “Иң яхшы актрисасы” дип табылды.

Сәхифәләр

Татарстаннан Эллина Лексина “Дөньяның иң яхшы моделе-2008” дип табылды