Татарстаннан Эчкенгә фура белән төзелеш материаллары алып килделәр
Скопировать ссылку
Курган өлкәсе Эчкен авылында янгын вакытында 223 йорт янып беткән иде. Татарстаннан янгында зыян күргән Курган өлкәсе Эчкен-Йолдыз авылына төзелеш материаллары, аерым алганда койма тотар өчен профиль тимерләр алып килделәр. Гуманитар ярдәм 2 миллион 200 мең сумны тәшкил иткән.
Татарстан премьер-министр урынбасары, Милли Шура рәисе Васил Шәйхразыев Эчкен авылында Координацион совет вәкилләре белән күрешкәндә гуманитар ярдәмне гаризалар нигезендә җыюларын әйтте.
«Тиздән 75 өйгә түбә өчен профнастил китерәчәкләр», – диде Васил Шәйхразыев.
Халык материалларны метраж буенча алып китә алачак.