Татарстаннан дүрт укучы «Софиум» олимпиадасында җиңүче булды
Скопировать ссылку
Россия Үзәк сайлау комиссиясендә «Софиум» мәктәп укучылары арасында сайлау хокукы буенча бөтенроссия олимпиадасының финал сынаулары тәмамланды. Йомгаклау интеллектуаль уенында ил төбәкләреннән һәм «Сириус» территориясеннән 121 укучы катнашты, дип хәбәр итә ТР Үзәк сайлау комиссиясе матбугат хезмәте.
Конкурс нәтиҗәләре нигезендә, Татарстаннан дүрт укучы иң күп балл җыйган һәм беренче урынга лаек булган.
Җиңүчеләр:
- Түбән Кама районыннан Амира Архипова,
- Азнакай районыннан Әдилә Нәфыйкова,
- Чаллыдан Валерия Гусева,
- Алексеевск районыннан Богдана Мелехина.
Республикадан тагын ике укучы – Софья Андриянова һәм Марина Кузнецова призерлар исемлегенә кергән.
Финалга чыгучыларга сертификатларны Россия Үзәк сайлау комиссиясе башлыгы, олимпиаданың оештыру комитеты рәисе Элла Памфилова тапшырган.