news_header_top_970_100
news_header_bot_970_100

Татарстаннан читтәге милли ММЧ фәнни-гамәли яклауга мохтаҗ

Шуңа күрә, Республика матбугат һәм массакүләм коммуникация чаралары агентлыгы каршында БТК БКның эшче төркемен булдырырга

(Казан, 12 декабрь, “Татар-информ”, Миләүшә Низаметдинова). Бөтендөнья татар конгрессы Башкарма комитетының (БТК БК) быелгы эшчәнлегенә нәтиҗә чыгару һәм киләсе елга бурычлар билгеләү буенча бүген “Казан” милли мәдәният үзәгендә уздырылган киңәйтелгән утырышта Башкарма комитетның массакүләм мәгълүмат чаралары комиссиясе рәисе урынбасары Ирек Шәрипов (“Яңарыш” газетасы, Удмуртия) чыгыш ясап, комиссия утырышы резолюциясендә кабул ителгән тәкъдимнәрне игълан итте.

Алар арасында, аерым алганда, түбәндәге юллар бар.

Татарстаннан читтәге татар массакүләм мәгълүмат чараларында эшләүче журналистларга ярдәм йөзеннән, "Татмедиа"  агентлыгы (биредә Республика матбугат һәм массакүләм коммуникация чаралары агентлыгы күздә тотыла) каршында БТК БКның эшче төркемен булдырырга. Ул исә Россия министрлыклары һәм халыкара фондлар грантлары алу буенча программалар төзү белән шөгыльләнергә тиеш, чөнки төбәкләрдә ММЧ фәнни-гамәли яклауга мохтаҗ. "Татмедиа" агентлыгыннан күренекле шәхесләр турында, төбәкләрдә телевизион тапшыруларда куллану өчен, аудио һәм видеоязмалар әзерләп таратуны сорарга. Этномәдәни юнәлештә эшләүче журналистларның квалификациясен арттыру өчен, махсус укулар оештырырга һәм, журналистлар укыту системасын заманчалаштыруны сорап, Казан дәүләт университеты җитәкчелегенә мөрәҗәгать итәргә һ.б.

 

    

news_right_column_1_240_400
news_right_column_2_240_400
news_bot_970_100