Татарстанлыларның августта озын яллары булмаячак
Скопировать ссылку
Татарстанда яшәүчеләр 30 августта Татарстан Республикасы көнен билгеләп үтәчәк. Бу көн бәйрәм уңаеннан ял көне дип санала, ләкин татарстанлыларның озын яллары булмаячак.
Быел 30 август шимбәгә туры килә. Бу көн биш көнлек график белән эшләүчеләр өчен болай да ял көне булып тора. Федераль бәйрәмнәр очрагында мондый ситуацияләрдә өстәмә ял көне бәйрәм көненнән соңгы эш көненә күчерелә, нәтиҗәдә озын яллар килеп чыга.
Республика бәйрәмнәренә килгәндә, мондый күчерү ясалмый. Шуңа күрә, әгәр татарстан бәйрәме шимбә яки якшәмбегә туры килсә, озын яллар билгеләнми.
Исегезгә төшерик, Татарстанда яшәүчеләрнең киләсе озын яллары ноябрьдә генә булачак.