Татарстанлыларны якшәмбе көчле буран һәм бозлавык булу турында кисәттеләр
Скопировать ссылку
Якшәмбе Татарстан Республикасы территориясендә һәм Казанда буран көтелә. Күрү мөмкинлеге 1-2 километрга кадәр чикләнгән булачак. Секундына 15-18 метрга кадәр (Казанда – 15 метрга кадәр) тизлектәге көчле җил фаразлана. Юлларда бозлавык була.
РТ Гидрометеорология үзәге мәгълүматлары нигезендә, төнлә һәм иртән томан булу ихтимал.
Юлларда көчле бозлавык көтелә, бу машина йөртүчеләр һәм җәяүлеләр өчен зур куркыныч тудырачак. Автомобиль йөртүчеләргә катлаулы һава торышы шартларын исәпкә алырга киңәш ителә.