Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанлыларның һәр 5 нчесе ТКХ хезмәтләре өчен билгеләнгән сумманың яртысын гына түли
Быел субсидия-ташламаларга 4,89 млрд. сум акча сарыф итү планлаштырылган
(Казан, 17 декабрь, «Татар-информ», Миләүшә Низаметдинова). Быел Татарстанда, федераль законнарга ярашлы рәвештә, 333588 кеше (инвалидлар, Бөек Ватан сугышында һәм Чернобыль һәлакәте нәтиҗәләрен бетерүдә катнашкан затлар һ.б.) субсидия-ташламалардан файдалана. Субсидия-ташламаларның уртача күләме аена 413,58 сум тирәсе. Республика законнары буенча, 346125 кеше (хезмәт ветераннары, күп балалаы гаиләләр, репрессияләнгәннәр һ.б.) субсидия-ташламага хокуклы, быел аның уртача суммасы аена – 314 сум. Җыеп кына әйткәндә, татарстанлыларның һәр 5 нчесе торак-коммуналь хуҗалык хезмәтләре өчен фактик билгеләнгән сумманың фәкать яртысын гына түли.
Бүген Республика матбугат һәм массакүләм коммуникацияләр агентлыгында үткәрелгән матбугат конференциясендә ТР хезмәт, мәшгульлек һәм социаль яклау министры урынбасары Наталья Бутаева шундый мәгълүматлар китерде. Аның сүзләренчә, быел беткәнче, субсидия-ташламаларга 4,89 млрд. сум акча сарыф итү планлаштырылган.
Болардан кала, 2008 елның гыйнварыннан бирле, керемнәре җан башына аена 7 мең сумнан кимрәк булган гаиләләргә, торак-коммуналь хезмәтләр өчен нормативлар кысаларында түләүләрнең максималь һәм реаль күләме аермасын компенсацияләүгә субсидия каралган. Шушы максаттан 107776 гаиләгә (аларда 201501 кеше исәпләнә) быел бюджеттан 866,383 млн. сум акча бүлеп бирелгән.
Кызыклы яңалыкларны күзәтеп бару өчен Телеграм-каналга язылыгыз