Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанлыларга пилотсыз очкыч һөҗүм итү куркынычы янаса нәрсә эшләргә икәнен әйттеләр
Россия Гадәттән тыш хәлләр министрлыгының Татарстан Республикасы буенча Баш идарәсе башлыгы Ирек Кадамов Украина ягыннан пилотсыз очу аппаратларының һөҗүмнәре дәвам итүгә бәйле рәвештә республика халкына мөрәҗәгать итте. Видеомөрәҗәгать Россия Гадәттән тыш хәлләр министрлыгы ТР буенча Баш идарәсенең Телеграм-каналында урнаштырылган.
Аның сүзләренчә, көн саен Украина ягыннан пилотсыз очу аппаратлары кулланып һөҗүм итү омтылышлары теркәлә, бу халыкка да, төбәк инфраструктурасы өчен дә куркыныч тудыра.
«Республикабызга таба хәрәкәт итүче дрон ачыкланган очракта «Пилотсыз очкыч куркынычы» режимы кертелә. Халыкка уяулыкны арттырырга, ә пилотсыз очкычны күргән очракта 112 телефоны буенча хәбәр итәргә кирәк», - дип искәртте Ирек Кадамов.
Ул шулай ук Татарстанда иминлекне көчәйтүгә юнәлдерелгән кайбер чикләүләр кертелүен билгеләп үтте. Гражданнарга мәгълүмат бирү SMS-хәбәрләр һәм «Россия Гадәттән тыш хәлләр министрлыгы» мобиль кушымтасы аша башкарылачак.
«Халыкка мәгълүмат бирү SMS-хәбәр җиткерү һәм «Россия Гадәттән тыш хәлләр министрлыгы» мобиль кушымтасы аша башкарыла, без аны push-белдерү алу өчен урнаштырырга тәкъдим итәбез», — дип өстәде Кадамов.
«Пилотсыз очкыч һөҗүм итү куркынычы» режимын керткәндә гражданнарга урамның ачык участокларыннан тиз арада китәргә һәм яшеренергә киңәш ителә.
«Әгәр пилотсыз очкычлар Татарстан территориясендә табылса, «Пилотсыз очкыч һөҗүм итү куркынычы» режимы кертелә. Кешеләр урамның ачык участокларыннан китәргә, җир асты кичүләренә, паркингларга яки якындагы биналарга керергә һәм тәрәзәләргә якын килмәскә тиеш. Бинада тәрәзәсе булмаган бүлмәгә керергә кирәк. Шулай ук балаларга һәм өлкәннәргә ярдәм күрсәтегез», - диде Кадамов.
Видео: Россия Гадәттән тыш хәлләр министрлыгының Татарстан Республикасы буенча Баш идарәсе Телеграм-каналы видеосы
Кызыклы яңалыкларны күзәтеп бару өчен Телеграм-каналга язылыгыз