Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанлылар Яңа ел бәйрәмнәрендә ял итәргә бара торган иң популяр юнәлешләр аталды
Татарстанда яшәүчеләрнең күпчелеге Яңа ел бәйрәмнәрендә Россия буйлап туристик сәфәрләр планлаштыра. 28 декабрьдән 11 гыйнварга кадәр сатып алынган авиабилетларның 72 проценты Россиядәге юнәлешләргә туры килә. Бу хакта «Татар-информ»га OneTwoTrip сервисы матбугат хезмәте җитәкчесе Елена Шелехова хәбәр итте.
Эчке юнәлешләр арасында беренче урында Санкт-Петербург (билетларның 26 проценты) тора. Бу шәһәрнең татарстанлылар арасында популярлыгы бер елда 10 процентка арткан. Икенче урында Мәскәү урнашкан – 23 процент (узган ел белән чагыштырганда 6 процентка азрак). Ил эчендәге популяр юнәлешләр өчлеген Сочи йомгаклый – 11 процент (узган ел белән чагыштырганда 6 процентка күбрәк).
«Чит илләргә барырга җыенучылар арасында иң күп билетлар Үзбәкстанга (23 процент), Таиландка (12 процент) һәм Берләшкән Гарәп Әмирлекләренә (9 процент) сатып алынган. Узган елда Яңа ел бәйрәмнәрендә чит илләргә баручылар арасында иң популяр юнәлешләр рейтингында Шри-Ланка (13 процент), Азәрбайҗан (9 процент) һәм Таиланд (8 процент) бар иде», – дип өстәде Шелехова.
Кызыклы яңалыкларны күзәтеп бару өчен Телеграм-каналга язылыгыз