Спорт 5 февраль 2022 13:33

Татарстанлы Данил Садриев Пекинда чаңгыда трамплиннан сикерү буенча финалгы чыкты

Ир-атлар арасында чаңгы белән трамплиннан сикерү буенча медальләр комплекты 6 февральдә уйнатылачак.

Скопировать ссылку

(Казан, 5 февраль, «Татар-информ», Дамир Садриев). Пекинда Олимпиада уеннарында Россиянең дүрт спортчысы да чаңгыда трамплиннан сикерү буенча квалификация раундын узды һәм финалга чыкты.

Төп раундка чыгучылар арасында татарстанлы Данил Садриев та бар. 18 яшьлек спортчы 97 балл белән 18нче урынны алды. Аннан тыш финалга Евгений Климов, Михаил Назаров һәм Роман Трофимов чыкты.

Чаңгы белән трамплиннан сикерү. Квалификация.

1. Мариус Линдвик (Норвегия) — 116,7 балл;

2. Роберт Юханссон (Норвегия) — 116,6 балл;

3. Пётр Жила (Польша) — 112,1 балл;

18. Данил Садриев (Россия) — 97,0.

Ир-атлар арасында чаңгы белән трамплиннан сикерү буенча медальләр комплекты 6 февральдә уйнатылачак.

Искәртеп узабыз, Россия командасында чаңгычы Наталья Непряева Пекинда Олимпиадада беренче көмеш медаль иясе булды.

Сәхифәләр

Татарстанлы Данил Садриев Пекинда чаңгыда трамплиннан сикерү буенча финалгы чыкты