Җәмгыять 2 ноябрь 2016 12:15

Татарстанга ВИЧка каршы көрәш өчен федераль бюджеттан 47 миллион сум бүлеп бирелә

РФ Хөкүмәте төбәкләргә иммунодефицит вирусы, В һәм С гепатиты белән көрәшүгә барлыгы 2,28 миллиард сум юнәлткән.

Скопировать ссылку

(Казан, 2 ноябрь, «Татар-информ»). Быел Татарстанга ВИЧ, В һәм С гепатиты белән көрәшүгә федераль бюджеттан 46,9 миллион сум акча бүлеп бирәчәкләр. Шул хактагы документ агымдагы елның 27 октябрендә Россия Хөкүмәте утырышында каралган һәм хупланган. 29 октябрьдә бу хактагы карар РФ Премьер-министры Дмитрий Медведев тарафыннан имзаланган, дип хәбәр итә Россия Хөкүмәте матбугат хезмәте.

Бюджетара трансферлар төбәкләргә вирус йоктырган гражданнарны дару препаратлары белән тәэмин итү һәм дәвалау өчен юнәлдереләчәк. РФ Хөкүмәте төбәкләргә иммунодефицит вирусы, В һәм С гепатиты белән көрәшүгә барлыгы 2,28 миллиард сум бүлеп биргән.

#ВИЧ

Сәхифәләр

Татарстанга ВИЧка каршы көрәш өчен федераль бюджеттан 47 миллион сум бүлеп бирелә