Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанга тизлеге 20 метрга кадәр җитәчәк җил һәм яшенле яңгыр якынлаша
Татарстанлыларны алдагы көннәрдә һава шартларының начарлануы турында кисәттеләр. Шулай итеп, бүген төнлә һәм 14 майда көндез республикада урыны белән яшен һәм төньяк, төньяк-көнбатыштан тизлеге секундына 15-20 метрга кадәр көчле җил көтелә, дип хәбәр итә ТР Гидрометеорология үзәге.
Алдагы төндә Казанда һава температурасы 8-10 градус булачак, тулаем республика буенча 6-11 градус җылы була. Иртәгә көндез республикада һава 14-19 градуска кадәр җылына, башкалада һава температурасы +15.. +17 градус тирәсендә тирбәләчәк.
Дүшәмбе, 15 майда, республикада начар һава торышы сакланачак, көндез урыны белән яңгыр яварга, урыны белән яшен булырга мөмкин. Җил төньяк-көнчыгыштан, тизлеге урыны белән секундына 13 метрга кадәр көтелә, яшен вакытында көчәеп, 15 - 20 метрга җитүе фаразлана. Һава температурасы якшәмбедән дүшәмбегә каршы төндә 5 - 10 градус җылы булачак, көндез +16дан +21 градуска кадәр җылыта.
Кызыклы яңалыкларны күзәтеп бару өчен Телеграм-каналга язылыгыз