Җәмгыять 10 июнь 2010 18:29

Татарстанга Ренат Акчурин килде

Бүген Россиянең танылган кардиохирургы Ренат Акчурин Яр Чаллының кичектергесез медицина ярдәме хастаханәсендә булды

Скопировать ссылку

(Казан, 10 июнь, “Татар-информ”). Бүген Россиянең танылган кардиохирургы Ренат Акчурин һәм Санкт-Петербургның И.Джанелидзе исемендәге кичектергесез ярдәм фәнни-тикшеренү институты директоры Сергей Багненко Яр Чаллының кичектергесез медицина ярдәме хастаханәсендә булдылар. Аларны Татарстан сәламәтлек саклау министры Айрат Фәррахов озатып йөрде.
Билгеле булганча, республикага РФ субъектларының 2010 елда юл-транспорт һәлакәтләрендә зыян күрүчеләргә, кан тамырлары һәм онкологик авырулары булган кешеләргә медицина ярдәмен күрсәтүгә әзерлеген бәяләү комиссиясе килә. Сергей Багненко әлеге комиссия составына керә. Иртәгә Ренат Акчуринга Әлмәт шәһәренең “Татнефть” медицина-санитар частен күрсәтү планлаштырыла. Бу турыда ТР Сәламәтлек саклау министрлыгының матбугат хезмәте хәбәр итә.

Сәхифәләр

Татарстанга Ренат Акчурин килде