Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанга Мәккәдән хаҗиларның беренче төркеме кайтты
12 июньдә «ДУМ РТ Хаҗ» рәсми операторы ярдәмендә хаҗ кылган Татарстан хаҗилары Казанга кайта башлады. Казанның Габдулла Тукай исемендәге Халыкара аэропортында иртән иртүк аларны хаҗ операторы вәкилләре, якыннары, дуслары һәм гаилә әгъзалары каршы алды, дип хәбәр итә ТР Диния нәзарәте.
Беренче булып туган җиргә казый, Ютазы районы имам-мөхтәсибе Марат хәзрәт Мәрданшин җитәкчелегендәге хаҗилар төркеме аяк басты . Аннары кич белән 168 хаҗидан торган тагын 4 төркем кайтты. 13 июньдә 150 кешедән торган 3 төркем кайтып җитәчәк.
«ДУМ РТ Хаҗ» рәсми операторы ярдәмендә хаҗ кылган соңгы төркеме Казанга 21 июньдә кайтып җитәчәк дип көтелә.
2025 елда «ДУМ РТ Хаҗ» рәсми операторы аша Татарстаннан 1800 кеше изге урыннарга китте. Барлык хаҗилар да хаҗ йолаларын уңышлы башкарды һәм үзләрен яхшы хис итә. Хаҗ вакытында аларны шәригать хокукын һәм гарәп телен белгән тәҗрибәле җитәкчеләр, һәм ТР Сәламәтлек саклау министрлыгы тарафыннан беркетелгән 20 табиб озатып йөрде, диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз