Татарстанга Краснодар краеннан кукуруз орлыклары кайтарылган
Экспертиза орлыкларның язгы чәчүгә яраклы булуын күрсәтте
(Казан, 3 февраль, «Татар-информ»). Татарстанга Краснодар краеннан кукуруз орлыклары кайтарылган. Экспертиза орлыкларның язгы чәчүгә яраклы булуын күрсәтте, дип хәбәр ителә Россия авыл хуҗалыгы күзәтчелеге хезмәтенең ТР буенча идарәсе рәсми сайтында.
Бу йөк карантин сертификаты белән Краснодар краеның Гулькевичи районыннан китерелде.
Тикшерү вакытында орлык үрнәкләре “Татарсан төбәкара ветеринария лабораториясе” ФДБУ нә җибәрелгән, карантин объектлары табылмаган. Белгечләргә дәүләт карантин фитосанитар контроле акты тапшырылган.