Татарстандагы балалар театр коллективларын республика бәйгесенә чакыралар
Татарстан Республикасы Мәгариф һәм фән министрлыгы, "Салават күпере" һәм "Сәхнә" журналлары редакциясе театр фестивале оештыра.
(Казан, 27 ноябрь, «Татар-информ»). Балалар театрларының республика фестивале «2014-2022 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын гамәлгә ашыру кысаларында үткәрелә. Бу турыда ТР Мәгариф һәм фән министрлыгы хәбәр итте.
Конкурс балаларда рухи мәдәният һәм татар халкының милли мирасына сакчыл караш формалаштыру максаты белән оештырыла.
Бәйгене Татарстан Республикасы Мәгариф һәм фән министрлыгы, «Салават күпере» һәм «Сәхнә» журналлары редакциясе оештыра.
Конкурска Татарстан Республикасының мәктәпкәчә һәм гомуми белем бирү оешмаларының балалар театр коллективлары чакырыла.